أمير الحب.....للشاعر ماجد الزهراني

تخيّل كان لي محبوب وحبه بالحشا معمور
طويته في ثنايا القلب بمسكن فوق علّيته
تنعّم بالفؤاد وحلّ بمأوى من ذهب وقصور
وبدّيته على الاصحاب وكلّ الحرص أوليته
وحيد ٍ بالحشا يسكن وغيره ينقلع ويغور
فديته روح من يفديه بروحه دوم واهديته
سرَت بالقلب نيرانه وتمّت تحترق وتثور
وخالجني شعور انسان وقع بالحب وحبّيته
سحَرني برقته والقول تليّن للفتى المسحور
احدّث به على الاسماع لكل الناس اطريته
حبيب ٍ ما درى عنّي ولا عن حبيَ المغمور
حبسته سرّ في جوفي ولا قِد صار وابديته
تمنّيته قرا عن حب تحرّر بالورق منشور
ويفهم مقصدي ويصير تحقق ما تمنّيته
نظمتْ الشعر له أبيات ولا ني بالهوى مغرور
وبيّنت اعذب الاشوق لمن حبّيت والقيته
احرّر اصدق الاحساس وشعري ارفقه بشعور
كتبته بالوفاء للزين وعقب اللحن غنّيته
أوامر من *أمير الحب* توجَه لي انا المأمور
البّي مطلبه منّي اذا ما قال سوّيته
هموم الشوق واللوعات تعذبني وهو مسرور
مناي وغاية الافراح بيوم ٍ بان ولاقيته
تزيد محبته بالقلب وتبقى ازمنه وعصور
مكانه مرتفع بالحيل تغلّى يوم غلّيته
تمر ايامنا وتسير وتفنى اجسادنا وتبور
ويبقى رمْزَنا للحب حجر الماس سمّيته

اين الردود

ياا سلام على شعر